حياتي هي : ............ . وشكراً

السلام عليكم ورحمة الله وبركاته

أشلونكم زلم المجتمع العراقي

اجيت وجبتلكم اليوم موضوع جديد من الفرن طبعاً

هو مو موضوع مثل باقي المواضيع "يمه قابل شنو؟؟"

تعرفون اكو كثير من مواضيع الي تنزل في سبيل التعرف للاخرين ومن هذا الحجي

اني فكرت بشغلة حلوة اكيد "شكد تعبان"

انه احنه شباب مستر عراق راح انسوي موضوع خاص عن حياتنه وعن تجاربنه كيفما كانت " دبر بالكم راح احجي بالفصحة الله اليستر "

يعني بالموضوع كل واحد يتكرم ويجي هنا يكتب فد نبذة مختصرة نوعا ما واذا يريد يحجي براحته .. ويذكرلنه تفاصيل عن حياته من الطفولة الى ان وصل الا هذه المرحلة

راح اكللكم ليش راح انسوي هيجي شي

اولا .. راح تزداد معرفتنه بجنابك المحترم
ثانياً .. راح يستفادون الاخرين من تجاربك ويظحكون وية مواقفك المظحكة او العكس

هسه اعتقد الفكرة وصلت .. كل زلمة خشن يجي ويتفضل ويبدي يذكرلنه مسيرته بكل تفاصيلها المؤلمة والجميلة

الموضوع راح يتثبت حتى انشوف تفاعلكم

اشلون متحب تحجي احجي

تحياتي