السلام عليكم شباب و بنات
مثل ما عودناكم ان لانبخل عليكم بكل ماهو مفيد
اليوم رح أشرحلكم عل سمارت أوبجكت ..
الطبقة الذكية الي يجهلها الاكثرية .. لان مايعرفون قيمتها ..
"""تعمدت اشرح شرح مفصل حتى المبتدأين همين يستفادون"""اكثر المصممين استخداماً لها همة
الويب دزاينر .
الاسباب ..
تختصرلهم هواية وقت ..
. . . . . . . . . .
تعريف السمارت أوبجكت ..
طبقة ذكية تضاف على اللير فتكسبه الحماية و تحفظ التغيرات الجارية عليهِ ..
فوائده ..
1-اذا انضافت طبقة السمارت اوبجكت على اللير .. فمن نجي نصغر اللير الى اصغر حد ونحفظ التغيرات و نجي مرة لخ نكبرة .. يحافظ على دقته ويتكبر ويحافظ على وضوحة .
2-ممكن ان نجري التغيرات مثل الشدو و البفل بحيث ماتتأثر صفحة العمل ..
لان من المعروف لو غيرنه sitting الشدو فراح يتغير شدو العمل كلة وليسَ اللير المعدل عليهِ
مثلاً اذا عدنه مليون لير بس نغير الشدو مال اي واحد من المليون لير رح تتغير كل الشدوات مال الليرات كلها
3- لو اضفنة طبقة سمارت اوبجكت الى لير معين و كررنة هل لير بعد ما ضفنالة سمارت اوبجكت .. ونجي نعدل على واحد من الليرات الي كررناها فرح يتغيرون كل الليرات الي عليها طبقة سمارت اوبجكت ... هاي يستفادون منها جماعه الويب دزاين .. يسون زر واحد ويضيفولة سمارت اوبجكت و يكررو ... حتى لو رادو يعدلون على اي فد زر .. يسوون التعديل وكل اللازرار تاخذ نفس التعديل
4- اذا سوينة مثلا شدو و بفل لفد شي وراها سويناله سمارت اوبجكت وثمها ريتيسايز .. معناها اللير صار كأنما صورة
مفتوحة من الحاسبة .
طريقة اضافة هذه الطبقة ::
نضغط
رايت كلك على اللير .. و نختار
Groub Into New Smart Objectهع لحد هسة محد فتهم السالفة
نبدي الشرح بالصور .. على كل نقطة من النقاط الـ 4
............شرح النقطة الاولى ............نفتح أي صورة نريدها
هسة أنصغرها بدون أي شي
أخرها نجي نكبرها و نرجعها لحجمها الي جان عليه سابقاً
نلاحظ أنو فقدت الوضوح و صارت مغوشة
_______________________
هسة ولو آني نعسان بس خلي نعيد التجربة
بس بأضافة
السمارت أوبجكت على الصورة
نفتح الصورة نفسها
هسة نضيفلها السمارت اوبجكت .. ندوس عل لير كلك يمين و نختار
GROUB INTO NEW SMART OBJECT
ورة ما نضيف الطبقة نلاحظ انو اللير صار شكلة هيج مثل ما موضح
هسة نصغرالصورة مثل ما سوينة سابقاً
هسة وراها نكبر الصورة للوضع الطبيعي بس مو معناها نكبرها لحجم اكبر منما جانت عليه بالاصل
نشوف هاي النتيجة التوب
وهذا الدليل على انو طبقة السمارت اوبجكت تحافظ عل مافي داخل الـ لير
الاستفاده منها ... مثلا فتحت صورة و صغرتها بحجم معين ورة ماضفت الاشياء عليها كلت وية نفسك انو انت مصغرها زيادة عن اللزوم .. فـ بكل سهولة تكدر تزيد من حجمها بلا ما يروح وضوحها+ + + + + + + + + + +
هسة نجي على شرح النقطة الثانية 
..............................
فرضا اني عندي دائرتين واريد الانر بالدائرة الاولى يكون لليمين و الادائرة الثانية لليسار
ماكو غير طريقتين والطريقتين بالسمارت اوبجكت
واني رح اشرح الطريقة الافضل ورح اثبتلكم شون ماتتغير إلا بالسمارت اوبجكت
ادوس يمين على دائرة من الدوائر واختار الـ Blendig Option
رح اختار الدائرة رقم1 .. و أطبق عليها الإنر
هسة نروح على الدائرة رقم 2
ادوس يمين عليها و نختار الـ Blendig Option
هسة هنا النقطة : لاحظو شلون من رح نعكس زاوية الإنر بالدائرة رقم 2 .. رح تنعكس وياها
الدائرة رقم 1 وهذا الشي نحنه مانريدة لان نريد الدائرتين تكون معكوسة الإنر
هسة اني رح اطبق الإنر على الدائرة رقم 2 بزاوية معاكسة للدائرة رقم 1
اذا نريد نعكس الانر مال دائرة معينة ونسويها عكس اللخ .. نتبع هل خطوات
ندوس رايت كلك دائرة وحده ونختار Groub into New Smart Object
نلاحظ انو اللير أتحول الى سمارت أوبجكت وصار شكلة بهل شكل
هسة اندوس عل طبقة هاي رايت كلك .. ونختار
رح تطلع نافذة .. ندوس أوك
ورة مادسنه أوك رح يطلع اللير مال الدائرة بـ بيج جديد ..
من اللير مالته نغير زاوية اتجاه الانر ..
بعد ماغيرنه الـ زاوية مال الانر
نسد الصفحة الصغيرة من خلال الضغظ على أغلاق النافذة
رح تطلعلنه هل عبارة .. ندوس كلمة YES
ورة مادسنة عل YES رح نلاحظ انو سوة أبديت للسمارت اوبجكت وما تأثر الأنر بالدائرة اللخ
هذي طبقة ذكية داخلها اكو ((لير الدائر رقم1))
نكدر نشتغل عليها بدون مانأثر على الدائرة الثانية من خلال الضغظ على رايت كلك وثمها
أدت سمارت اوبجكت .. و نجري التعديلات
و ثمها نغلق الصفحة ونختار كلمة YES كما مر سابقاً
تطبيقاً على هل شغلة ... هو البنر الي جان مال الشات .. الي اني مسوي ..لاحظ الإنر مال الدوائر الصغار الحمر .. الي نازلة منها الوايرات .. 
متت تعب .. برب ونرجع نكمل النقطة الـ ثالثة
+ + + + + + + + + + + + + + +
هسة نجي نشرح النقطة الثالثة وهية تعتبر أهم نفطة الي هية لو ضفنة لير و سوينالة سمارت اوبجكت
وراها كررنا اللير الي بي سمارت اوبجكت عدة مرات
و نجي نسوي أديت لأي لير .. لمن نعدل بي ونحفظ التعديلات مالته
نلاحظ انو كل الليرات المكررة رح تتغير تلقائياً بنفس التغير الي غيرنا
وهذا شرح بالصور حتى توصل الفكرة
مثلا فتحت شيب صغير بهل حجم
هسة قبل كل شي .. ادوس عل لير كلك يمين وأختار ريتيسايز
هاي النتيجة مال الريتيسايز
هسة ندوس كلك يمين عل لير و نختار Groub Into New Smart Object
هسة حالياً صار سمارت أوبجكت
نكرر طبقة السمارت اوبجكت لعدة نسخ .. بالظغط على Ctrl+j
هسة ندوس كلك يمين على أي لير من ليرات السمارت اوبجكت نختار أي واحد منها وندوس كلك يمين ونختار
ورة مادسنة عل Edit contnts
رح يطلعلنة اللير مال المربع بصفحة صغيرة
نختار اي فرشة أو نسوي اي شي نريدة .. اني للسرعه رح اضيف لير جديد واختار فرشة وارسمها عل مربع
ورة ماحطيت الفرشة أكدر اضيف اي شي واكدر اسوي ستروك للمربع او شدو اي شي اكدر أسوي
اني بس حطيت فرشة للتوضيح لا اكثر
ورة ماخلصت من وضع الفرشة عل مربع اسدة للمربع من علامة الأكس
رح تطلعلي هل نافذه .. اختار منها YES
رح نشوف مايلي بعد ماختارينه الـ YES..
أنو كل الـ ازرار اخذت نفس التغيرات الي صارت
وهذا الشي صار لان اللير الأولاني سوينالة سمارت اوبجكت وكررنا .. فكل نسخة تاخذ التغيرات الي تحصل بالاصل و بالنسخ الناتجة عن الاصلمثال على استعمالاتها ..
البنر الي آني مسوي مال المسابقة ..
+ + + + + + + + + + + + +
هسة نجي على النقطة الرابعه وهية أسهل النقاطنسوي أي لير وندوس عليه كلك يمين و نختار الـ Blendig Option
نضيف مثلا ستروك ... ونسوي بفل همين
وراها اذا أجينه نريد نكص منها
رح يتغير البفل والستروك راح ياخذلة مجرة بالمنطقة الي رح نكصها
نسوي ريتيسايز للير عن طريق كلك يمين و وراها ريتيسايز.
ونكص منه بالمساحة مثلا.
شوفو النتيجة الي صارت
نلاحظ انو البفل تمدد و الستور اتمدد و اتخربط
أذا ردنه نكصها بطريقة توب و بلا ما تتأثر ماكو غير طريقه ..
ندوس عل لير مالته كلك يمين وراها نختار Groub Into new Smart object
وراها ندوس عليه مرة لخ كلك يمين ونختار رتيسايز
النتيجة : الي صار حاليا انو اللير صار كأنما صورة .. اذا دسنه عل Blendig Option
رح نشوفة خالي من البفل و الستروك .. صار أوبجكت .. كأنما صورة عادية
*يعني فقد خواص اللير بس حافظ على شكلة
هسة نكدر نكص منها بلا ماتتأثر لان اللير مالتها أتفرغ من الsitting
وأكص منه براحتي وبلا تعب وبلا مايتأثر شي بي
تم الدرس .. بعون الله .
________________________
أرجو ذكر المصدر عند النقل ..
لان الموضوع حصري و متعوب عليه ..
دعائكم لي و للشعب العراقي جميعاً
وإن شاء الله الكل تستفاد من هل درس ..
تحياتي ..
